Unha visita moi especial.

E ao final, conseguímolo! Tuti e Jose aceptaron a nosa invitación e, moi valentes, atrevéronse a deixarse interrogar por estas 22 mentes inquedas que nunca sabemos por onde van saír 😅

Foi unha sesión moi divertida na que poidemos resolver por fin as nosas dúbidas arredor das nasas e, ademais, aprender moitas curiosidades sobre o mar, sabiades vós que aos polbos pode medrarlle unha nova pata se a perden?, que de ter moita fame poderían incluso pegarse un mordisco a sí mesmos?😕, e que un peixe espada nunca sairá con vida dunha loita cun tiburón aínda que gañe?

Por supostísimo, estamos encantados e encantadas de ter recibido a Jose e a Tuti, dous expertos pescadores na nosa aula, pesca artesanal/ pesca industrial, pesca de altura/ pesca de baixura, menudo privilexio!

E, nuns días, Anxo traerá á aula algunhas imaxes nas que poderemos comprobar que todo o que nos contaron era ben certo! Estamos desexando ver esa tartaruga xigante e centenaria 🐢

MOITÍSIMAS GRAZAS JOSE E TUTI! Agardamos que vos gusten os nosos debuxos tanto como a nós a vosa compañía🐬